Качир ауданының Юбилейное ауылында Ертіс тармағында белгіленбеген орында суға шомылып жүрген бойжеткен батып кетті, деп хабарлайды pavlodarnews.kz.
Облыстық ТЖД баспасөз қызметінің мәліметінше, кезекшілік бөліміне шақырту кеше сағат 15:37-де түскен.
- Жедел құтқару жасағының күшімен сағат 15:56-те 2002 жылы туылған қыздың денесі жағаға шығарылды. Оқиға орнында екі адам мен бір бірлік техника жұмылдырылды, - деді департаментте.
Екінші қайғылы жағдай кеше сағат 19:55-те Павлодарда Усолкада тіркелген. Күзетілетін аумақта құтқарушылар 26 жастағы ер адамды ажал аузынан алып қалды.
Томирис Бекжан
Фото: Рavlodarnews.kz