Ақтөбе облысында мамандандырылған аудан аралық сот 12 жастағы қызға қатысты жыныстық азғындық зорлық жасауға кінәлі деп танылған педофилге үкім шығарды. Бұл туралы stan.kz, Timeskz.kz жариялаған ақпаратқа сілтеме жасап хабарлайды.
“Сотта 40 жастағы Т. есімді азаматтаың 2016-2017 жылдар аралығында өз ағасының өгей қызына жыныстық зорлық жасап келгені анықталды”, – деп хабарлайды облыстық соттың баспасөз қызметі.
Қыздың анасы ер адамнан кетіп қалған соң, қыз бұл былықтың бәрін жасырған. Сотқа дейінгі тергеу кезінде қыздың жыныстық зорлыққа 6 жасынан бастап ұшырағаны белгілі болды.
Іске құқық қорғау органдары араласқаннан кейін педофил ұсталып, тұтқындалған. Оған ҚР ҚК 120, 124 баптары негізінде айып тағылып, 17 жылға бас бостандығынан айырылды.
Сонымен қатар, қылмыскер өмір бойына педагогтық қызметпен, кәмелетке толмаған балалармен жұмыс істеу шаруасымен айналыса алмайды. Қыздың заңды өкілі талап еткен 1 млн теңге көлеміндегі моральдық шығын толығымен қанағаттандырылды.
Фото: stan.kz
