Майқайың-Екібастұз тас жолында болған жол апатынан екі адам көз жұмды

Жол көлік оқиғасы салдарынан автобус жолдың екінші жағындағы жыраға аударылған. Қызметтік көлікте жүргізушімен бірге жеті жолаушы болған.

Майқайың-Екібастұз тас жолында соңы қайғылы аяқталған жол апаты орын алды, деп хабарлайды pavlodarnews.kz.

Облыстық ІІД-нің баспасөз қызметі хабарлағандай, тас жолынан 18 шақырым жерде «Волга» көлігі «Кавазаки» маркалы қызметтік автобусы соғылған.

- Жүргізуші мен бір жолаушы оқиға орнында көз жұмды. Ал, «Волганы» тізгіндеген азамат түрлі дене жарақатымен ауруханаға жеткізілді. Аталмыш оқиға бойынша ҚР ҚҚ-нің 345-бабына сәйкес сотқа дейінгі тергеу амалдары басталды. Жол апатының мән-жайы тергеу барысында анықталатын болады, - деп жазылған хабарламада.

Фото: 112.ua