32 жастағы жігіт шекарадан 7 мың тонна етті сабын деп өткізбекші болды

Аталған факті тиісті органдарға хабарланып, жүк Қордай ауданының ветеринарлық қызметіне тапсырылды.

32 жастағы жігіт Қырғызстанмен арадағы шекарадан 7 мың тонна етті сабын деп өткізбекші болды, деп хабарлайды BNews.kz.

Қордай шекара отрядының «Қарасу авто» өткізу пунктінің қызметкерлері ет өнімдерін құжатсыз алып өтпек болған Қазақстан азаматын ұстады. Ол шекарадан өткізетін жүгін «сабын» деп жаздырған.

«Ұсталған азамат Қазақстанға Қырғыз елінен 4 тоннадай тауық етін және 3 тоннаға жуық шұжық өнімдерін «МАН» жүк көлігімен алып келе жатқан», деп мәлімдеді ҚР ҰҚК ШҚ баспасөз қызметі.

Аталған факті тиісті органдарға хабарланып, жүк Қордай ауданының ветеринарлық қызметіне тапсырылды.

Фото:mega-u.ru