ҰБТ-дің төрт күнінде максималды балды 16 мектеп бітіруші жинады – ҚР БҒМ

Тестілеу төртінші күні 47 ҰБТӨП-тің базасында өткізілді.

Қазақстанда Ұлттық бірыңғай тестілеудің (ҰБТ) төрт күнінің қорытындысы бойынша мүмкін болған 125 балды 16 мектеп бітіруші жинады, деп хабарлайды zakon.kz, ҚР Білім және ғылым министрлігінің берген мәліметтеріне сүйеніп.

«Бүгінгі күнге дейін ұлттық бірыңғай тестілеудің төрт күні өткізілді. Тестілеудің төрт күнінде мүмкін болған 125 балды 16 бітіруші жинады», - делінген хабарламада.

Ведомствоның мәліметінше, 2 және 5 маусым күндері өткізілген тестілеуге 72005 бітіруші қатысты, соның ішінде қазақ тілінде – 51777, орыс тілінде – 20228 бітіруші.

Тестілеу төртінші күні 47 ҰБТӨП-тің базасында өткізілді.

Фото: www.inform.kz