Жекешелендіру барысында облыстық бюджет 4 млрд 685 млн теңгеге толықты – Қаржы министрлігі

Коммуналдық меншік бойынша 252 объекті жекешелендіруге жатады, оның 244 объектісі сауда-саттыққа шығарылды, соның ішінде 143 объекті сатылды.

Соңғы 2 жылда Қазақстанда іс жүзінде саудаға 489 объекті шығарылды, оның ішінде 292 объекті сатылды, республикалық меншік бойынша - 19, коммуналдық меншік бойынша - 143, ӘКК - 78, холдингтер бойынша - 52. Бұл туралы , Pm.kz жариялаған ақпаратқа сілтеме жасап хабарлайды.

«Сонымен, қаражат келесі түрде таратылды: республикалық бюджетке 6 млрд 994 млн теңге, облыстық бюджеттерге – 4 млрд 685 млн теңгеден астам, холдингтер - 67 млрд 416 млн теңге, ӘКК - 6 млрд 201 млн теңге», - деп мәлімдеді ҚР Қаржы министрлігі.

2014 жылдың маусымынан бастап 2016 жылдың тамызына дейінгі кезеңде республикалық меншіктің 27 объектісін сату жоспарланған. Ағымдағы жылдың 16 тамыздағы жағдайы бойынша сауда-саттыққа іс жүзінде сатуға 27 объекті шығарылды, оның ішінде 19 объекті сатылды.

Коммуналдық меншік бойынша 252 объекті жекешелендіруге жатады, оның 244 объектісі сауда-саттыққа шығарылды, соның ішінде 143 объекті сатылды.

Ведомствоның мәліметінше, әлеуметтік-кәсіпкерлік корпорациялардың жекешелендіруге жататын 104 объектісінің 98-і сатуға қойылды, 78 объекті сатылды, сондай-ақ ұлттық компаниялар мен холдингтердің 136 объектісінің 120-сы сауда-саттыққа шығарылды, оның ішінде 52 объект сатылды.

Фото: realbp.ru