БҚО-да есірткі плантациясы табылды
![Zakon.kz, фото - Новости Zakon.kz от 28.09.2016 21:33](https://www.zakon.kz/pbi/WEBP/2023-12-25/file-07822976-5185-489d-875d-dab8739d54b5/400x226.webp)
Заңсыз сора өсірген үш азамат тұтқындалды. Олар – Қызылорданың 65 және 54 жастағы екі азаматы, сондай-ақ 52 жастағы Орал тұрғыны
Батыс Қазақстан облысының ІІД есірткі бизнесімен күрес басқармасының қызметкерлері есірткі плантациясын тапты. Сарапшылардың есептеуінше, қара базарда сораның мұндай топтамасын 50 млн теңгеге сатуға болады, деп хабарлайды BNews.kz.
Полицейлердің ақпаратына сүйенсек, плантация Зеленов ауданы Шолпан ауылының қасында адам баласы аяқ баспайтын, жолы қиын жерде жасырын өсірілген. Анаша өсірілген учаскенің жанынан Орал өзені ағып жатыр.
«Заңсыз сора өсірген үш азамат тұтқындалды. Олар – Қызылорданың 65 және 54 жастағы екі азаматы, сондай-ақ 52 жастағы Орал тұрғыны», - дейді БҚО ІІД баспасөз қызметінің қызметкері Әсел Бедрова.
1965 түп сора мен 132 келіден аса марихуана тәркіленді. Күдіктелерден сораны өсіруге арналған құралдар табылды.
«Қазір ұсталғандар Орал қаласының уақытша қамау изоляторына қамалды. Аталған фактіге байланысты ҚР ҚК 2-бөлімі 300-бабы бойынша қылмыстық іс қозғалды», - дейді БҚО ІІД есірткі бизнесімен күрес басқармасының басшысы Андрей Хлевин.
Фото: bnews.kz
Поделиться
Если вы видите данное сообщение, значит возникли проблемы с работой системы комментариев. Возможно у вас отключен JavaScript