Шымкенттік өрт сөндірушілер жанып жатқан пәтерден балаларды құтқарып шықты

Қазіргі таңда ОҚО ТЖД оқиғаның мән-жайын анықтап жатыр.

Шымкенттегі Ғани Іляев көшесінде орналасқан үйдің төртінші қабатындағы пәтерде өрт тұтанған. Бұл туралы stan.kz, “Отырар” жариялаған ақпаратқа сілтеме жасап хабарлайды.

Қызыл жалын күндізгі сағат 3 кезінде жана бастапты. Куәгерлердің айтуынша, өрт сөндірушілер шақырғаннан кейін бірнеше минут өте салысымен жеткен. Оқиға орынында 20-ға жуық арнайы маман мен үш техника бірлігі жұмыс істепті.

Өрт сөндірушілер іште балалар бар екенін білгеннен кейін, жанып жатқан пәтердің есігін жұлып алған. Түтінге оранған пәтерден балаларды дер уақытында алып шығады.

Қазіргі таңда ОҚО ТЖД оқиғаның мән-жайын анықтап жатыр.

Фото: stan.kz