Таразда «Мәңгілік ел» ұлттық идеясына арналған кітап жарық көрді

Оқу құралы 3 бөлімнен тұрады.

Тараз мемлекеттік педагогикалық институтында «Мәңгілік ел» ұлттық идеясының ғылыми-теориялық негіздері» атты жаңа оқу құралы жарық көрді. Кітап авторлары – педагогика ғылымдарының докторы, профессор Тұрсынай Әбдіқадырова мен ғылым магистрі Еділбек Әбдімомынов. Бұл туралы zakon.kz, оқу орнының Ақпараттық-имидждік қызметінің жетекшісі Жандар Асан берген ақпаратқа сілтеме жасап хабарлайды.

Кітапта түркілік дәуірден қалыптасып, бүгінде елімізді мекендеген барлық ұлт пен ұлыстарды ұйыстырып отырған «Мәңгілік ел» идеясының түп төркіні толыққанды баяндалып, оның мәні мен маңызы, мақсаты мен мүддесі төңірегінде орамды ойлар айтылған. Сонымен қатар, ғылыми-теориялық негіздері сараланып, түйін-тұжырымдар жасалған.

Оқу құралы 3 бөлімнен тұрады. Онда «Мәңгілік ел» идеясының тарихи негіздерін анықтаудағы ғылыми ізденістер, Алаш қайраткерлері мұраларындағы концептуалдық тенденциясының «Мәңгілік ел» мұратымен рухани үндестігі жан-жақты қамтылған. Сондай-ақ, белгілі ғалымдардың ұлттық құндылықтар жайындағы іргелі зерттеу еңбектері де топтастырылған.

– Мақсатымыз – студенттерге «Мәңгілік ел» ұлттық идеясының дүниеге келуін, оның тарихи маңызын жете ұғындыру арқылы олардың азаматтық позициясын қалыптастыру. Бұл өз кезегінде жастардың ұлттық сана-сезімі мен патриотизмін дамытуға, олардың тарихи және әлеуметтік жадысын шыңдауға сеп болмақ. Бүгінде ұстаз қауымының алдына шәкірттерге «Мәңгілік ел» ұғымын eлімізді мекендейтін барлық халықтар қacтeрлeйтін жeтeкші идeя рeтіндe түсіндіріп, оның ғылыми нeгіздeмecін жacaп арнайы оқыту міндеті қойылды. Дәл оcы көзқaрac тұрғыcынaн қaрaғaндa eліміздің жоғары оқу орындарында білім алып жатқан жастарға өз мамандығына сай білім беріп ғана қоймай, олардың ұлттық caнa-ceзімін қaлыптacтыратын арнайы оқу құралдары мен танымдық дүниелер шығару қажеттілігі туындап отыр, – деп атап өтті кітап авторлары.

Мәңгілік ел – ата-бабаларымыздың қадым замандардан бергі асыл арманы, ізгі мұраты. Ол арман тұғыры берік, іргесі мығым Тәуелсіз мемлекет атану еді. Ол арман халқының тұрмысы бақуатты, тұрғындары тату, ұрпағы болашағына үлкен үмітпен қарайтын бақытты ел болу еді. Біз бабалар арманын ақиқатқа айналдырдық. Мәңгілік елдің іргетасын қаладық.

– Мемлекет басшысы Нұрсұлтан Назарбаевтың «Болашаққа бағдар: рухани жаңғыру» атты мақаласын жүзеге асыру мақсатында педагогикалық институттың оқу үдерісіне «Мәңгілік ел және ұлттық идея» элективті пәні енгізілген болатын. Ал, аталған оқу құралы ХХІ ғacырдaғы aдaмзaт дaмуының нeгізгі қозғaушы күші болатын білімді, caуaтты, ұлттық caлт-дәcтүрі мeн тaрихын, мәдeниeті мeн әдeбиeтін, тілі мeн дінін тeрeңнeн ұғынғaн тұлғaлaрды дaярлaп, cолaр aрқылы бaршa Қaзaқcтaн хaлқының дaму пeрcпeктивacын қaлыптacтыру мақсатында жарық көріп отыр, – деді оқу орнының Ақпараттық-имидждік қызметінің жетекшісі Жандар Асан.