Ақмола облысында екі жасөспірім суға кетті

Кәмелеттік жасқа толмаған балалар тиісті емес жерде суға шомылған.

13 жастағы екі бала Ақмола облысындағы өзенде суға батып кетті, деп хабарлады төтенше жағдайлар жөніндегі департамент Sputnik Қазақстан агенттігіне.

Қайғылы оқиға Астрахан ауданы Новочеркасск ауылында болған.

"Сағат 16.00-де Есіл өзенінде тиісті емес жерде шомылған 7 сыныптың екі оқушысы суға кетті.

Еріктілер 16.30-да 2004 жылы туған жасөспірімнің денесін алып шықты. 18.45-те жергілікті атқарушы орган күштері 2004 жылы туған екінші баланың денесін өзен түбінен тапты.

Суға кеткен үшінші 13 жасар баланы куәгерлер құтқарып қалған", — деп хабарлайды ТЖД.

Фото: sputniknews.kz