Қазақстандық сарбаздардың Сирияға жіберілмейтіні белгілі болды

Қазір Сириядағы қауіпті аймақтарды Түркия, Иран және Ресей қатаң бақылауға алған.

Дүниежүзі қазақтары құрылтайында қазақстандық сарбаздардың Сирияға жіберілмейтіні белгілі болды, деп жазады Алматы телеарнасы.

Шетелдік басылымдар: "Ресей біздің жауынгерлер мен қырғыз әскерлерін майдан шебіне аттандыруды жоспарлап отыр" деп, жарыса жазған еді. Алайда, еліміздің сыртқы істер министрі Қайрат Әбдірахманов бұл жалған мәлімет деді.

Қазір Сириядағы қауіпті аймақтарды Түркия, Иран және Ресей қатаң бақылауға алған. Бұл іске араласуға тек Біріккен Ұлттар ұйымы ғана рұқсат бере алады.

Ал, шиеленісті тұрақтандыруға бағытталған кезекті Астана процесі 4-ші және 5-ші шілдеге жоспарланған.

Фото: qazaquni.kz