ОҚО-да есірткі сатумен айналысқан 2 адам ұсталды

Шымкенттегі Ворошиловка елдімекенінде есірткі сатумен айналысқан азаматша мен тасымалдаушы азамат қамауға алынды.

Шымкенттегі Ворошиловка ауылы есірткі бизнесінің ордасына айналған. Полицейлер осы ауылды тексеру барысында есірткінің ауыр түрі – героин сатушыларды қолға түсірді, деп жазады Қазақстан-Шымкент телеарнасы.

Пакетке салынған 8 грамм ақ ұнтақ пен айғақты зат ретіндегі қомақты қаржы үй иелерінің көрпе-төсектері ішінен табылды.

Нұргелді Әбілов - Облыстық ІІД есірткі бизнесіне қарсы күрес басқармасы бастығының орынбасары

Шымкент қаласы Ворошиловка елдімекеніннде 1986 ж туылған Г.есімді азаматшасы есірткі затын сатты деген күдікпен үйін тексергенде 4 полиэтилен пакетпен есірткіге ұқсас зат тәркіленді.Сот сараптамасы нәтижесінде 4 г жуық заттың есірткі заты героин екені анықталды. Сонымен қатар сол үйде Ұсталған Р есімді азаматтың қалтасын тексергенде де 4 г героин табылды.

Ұсталғандарға қатысты ҚР Қылмыстың кодексінің 296 және 297 баптары бойынша айып тағылды. Тергеу амалдары жүргізілуде.

Нұрмахана Кенжехан

Фото: baq.kz