Павлодарда тоңазытқыштың кесірінен 10 адам қауіпсіз жерге шығарылды

Өрт толығымен сөндірілген.

Павлодарда Кутузов, 233 көшесінде орналасқан көпқабатты тұрғын үйден шыққан өрттен 10 адам құтқарылды, деп хабарлайды pavlodarnews.kz.

Облыстық ТЖД-нің мәліметінше, кезекшілік бөліміне сағат 16.06-да тілсіз жаудың орын алғаны туралы хабарлама түскен.

Оқиға орнында № 34 өрт сөндіру бөлімінен бір техника мен бір звено жұмыс істеген. Сағат 17.15-те өрт толығымен сөндірілген.

- Қазіргі таңда оқыс жағдайдың себебі мен келтірілген шығын көлемі анықталуда. Зардап шеккендер жоқ. Тұрғындардың барлығы аман. Тоңазытқыштың 1,5 метрі жанып, қызыл жалын еденнің 02 шаршы аумағын шарпыған, - дейді департаментте.

Ақбота Сейсенбаева

Фото: Рavlodarnews.kz