Көктем мезгілінде бензин бағасы көтерілмейді. Оған әсер ететін себеп те жоқ. Бұл туралы бүгін Орталық коммуникациялар қызметінде өткен баспасөз мәслихатында ҚР Энергетика вице-министрі Әсет Мағауов айтты, деп хабарлайды BNews.kz.
«Қазақстан нарығына бензиннің 30-35 пайызы Ресей Федерациясынан жеткізіледі. Сондықтан еліміздегі жанар-жағармай бағасының деңгейі солтүстік көршіміздегі көтерме бағаға тәуелді. Алайда жақын уақытта бензин бағасының көтерілуіне қандай да бір алғышарттарды байқап отырғанымыз жоқ. Әрине, Ресейде жаз айларында маусымдық баға көтеріліп тұрады. Бірақ айтарлықтай қатты өзгеріс болады деп ойламаймын»,- деді Ә.Мағауов.
Фото: energonews.kz