Алматыда құтқарушылар тауда адасып кеткен екі жас жігітті іздеп тапты. Бұл туралы ҚазАқпарат, қалалық ТЖД баспасөз қызметі таратқан ақпаратқа сілтеме беріп хабарлайды.
Баспасөз хатшысы Сандуғаш Баймұхамбетованың айтуынша, ТЖД кезекші нөміріне екі жас жігіттің тауға кеткеннен оралмағаны туралы хабарлама кешкі 22:40-та түскен.
Олар таңғы 9-да Медеу шатқалына, Көкжайлау жазығына қарай кеткен.
Хабарлама түскен соң ҚР ІІМ ТЖК Республикалық құтқару жасағының 6 қызметкері іздеуге шыққан.
Таңғы 7-де іздеу командасы екіге бөлінді.
1-топ Құмбел жақтан іздеуге шықса, 2-топ «Трапеция» асуы жаққа бағыт алды.
Іздеу шараларына Медеу аудандық ІІБ мен жергілікті полиция қызметінің өкілдері де жұмылдырылды.
Жоғалғандар бүгін таңғы 10.23-те «Горельник» шатқалының маңынан табылды.
Айта кету керек, ауа райының қолайсыздығынан әрі төтенше жағдайдың қаупінен қалалық ТЖД соңғы рет 24, 25, 31 наурызда ескерту жариялаған болатын. Барлығы жыл басынан бері қалалық ТЖД 14 дабылды ескерту жариялаған.
Гүлмира Ғосманәли
Фото:inform.kz