Павлодар облысында 2015 жылы сот отырысының 92 залы аудио-видеотіркеу құралдарымен жабдықталған. Аталмыш жүйені қолданудың нәтижесінде бітімгершілікпен аяқталған іс 28 есеге артқан, деп хабарлайды pavlodarnews.kz. Бұл туралы бүгін ОКҚ-де өткен брифинг барысында облыс әкімі Болат Бақауов мәлім етті.
- Екінші реформа – «Заңның үстемдігін қамтамасыз ету». Реформаның мақсаты - азаматтардың сот төрелігіне қолжетімділігін жеңілдету үшін сот жүйесі инстанцияларын оңтайландыру. Бүгінде аймақта қоғамдық келісімді нығайту бағытында «Қоғамдық келісім» КМК жанында медиация орталығы құрылды. Медиация кабинеттері аудандық әкімдіктер мен ауылдық округтерде де ашылған. Сот жүйесінің ашықтығы артуда. Құқық қорғау жүйесіне келетін болсақ, жыл басынан бері барлық қалалар мен аудандарда жаңа құрылым – жергілікті полиция қызметі құрылды, - деді Б. Бақауов.
Фото:kstnews.kz