Сағат 05:25-те Алматы қалалық ТЖД «101» пультіне Алмалы ауданындағы Aragosta түнгі клубында өрт шыққаны туралы куәгерден хабарлама келіп түскен, деп хабарлайды 24.kz арнасы.
Алғашқы бөлімше оқиға орнына бес минуттан соң, сағат 05:30-да келіп жеткен. Ол кезде өрт периметр бойынша жайылып, тіпті көрші ғимараттарға көшу қаупі де туған екен. Қазіргі уақытта өрт сөндірушілердің жедел әрекет етуінің арқасында бұл қауіптің беті қайтарылды. Алау шарпыған аумақ анықталып жатыр.
Өрт сөндіру барысында 3 газ баллоны қауіпсіз жерге шығарылып, жағдайдың ушығуына жол берілген жоқ.
Сағат 06:43-те өрт ауыздықталып, өрт сөндіру жалғасып жатыр.
Фото: 24.kz