Қазақстанда мамырда азық-түлік тауарларының бағасы 13,5 пайызға өсті, деп хабарлады "Қазақстан" ҰТА, ҚР Ұлттық экономика министрлігінің Статистика комитетінің баспасөз қызметі берген ақпаратқа сілтеме жасап.
«2016 жылғы мамырда 2015 жылғы тиісті аймен салыстырғанда баға қантқа 45%, жармаларға - 33%, кофе, шай және какаоға - 28,5%, май және тоң майға - 27,8%, нанға - 22,9%, балық және теңіз өнімдеріне - 21,9%, кондитерлік өнімдерге - 20,9%, тоқаш және ұн өнімдеріне - 17%, макарон өнімдеріне - 15%, жемістер мен көкөністерге - 11,5%, алкогольді ішімдіктерге - 11%, ұнға - 9,4%, сүт өнімдеріне - 7,9%-ға өсті», - делінген хабарламада.
Аталған кезеңде ет және ет өнімдері бағасының өсімі 5,8%-ды құрады. Құс етіне баға деңгейі 11,5%, шұжық өнімдеріне - 8,9%, сиыр етіне - 4,3%, шошқа етіне - 2,7%, қой етіне - 2%, жылқы етіне - 1,2%-ға жоғары болды.
Фото: www.qazaquni.kz