Ресей елінің Челябі облысына жұмыспен барған павлодарлық тұрғынды көлік қағып кетті, деп хабарлайды pavlodarnews.kz.
Бұл туралы агенттікке марқұмның туыстары хабарлады. Аталмыш фактінің орын алғанын Ресей ІІМ Челябі облысы бойынша басқарма баспасөз қызметінің қызметкері Альберт Габбазов растады.
- 1 маусым күні түнгі сағат 23.15-те Мәскеу-Челябі автожолынан 1706 шақырым жердегі Саткинск ауданында «ГАЗель» көлігінің 42 жастағы жүргізушісі жолдың тыйым салынған бөлігінде өтіп бара жатқан 53 жастағы жаяу жүргіншіні қағып кеткен. Ер адам тілге келместен жол көлік оқиғасы орын алған жерде көз жұмды. Қазіргі таңда полиция қызметкерлері жол апатына қатысты тергеу амалдарын жүргізуде, - деді А. Габбазов.
Ақбота Сейсенбаева
Фото: pavlodarnews.kz.