Үйлердің бірінде терактіге дайындық жүріп жатыр деген жалған ақпарат берген ақтөбелік әйел ұсталды. Бұл туралы today.kz, Ақтөбе облысы ІІД баспасөз қызметі берген ақпаратқа сілтеме жасап хабарлайды.
Бейтаныс әйел полицияға ұялы телефоннан хабарласқан.
"Белгісіз әйел Ақтөбе қаласы Қарғалы көшесіндегі үйлердің бірінде терактке дайындалып жатқаны жайлы хабарлаған. Алайда тексерістен кейін ақпарат расталмады", - делінген баспасөз хабарламасында.
Оқиға орнына полицейлер жіберілді, жарылғыш зат табылмады.
Жедел-іздестіру шаралары кезінде 49 жастағы қала тұрғыны ұсталды. Қазір күдікті Ақтөбе қ. ІІБ уақытша ұстау оқшаулағышына қамалды.
Фото: newskaz.ru