6 тамыз күні сағат 18.00 шамасында Ақжайық ауданы Тайпақ ауылында 25 жасар тұрғын Жайыққа батып кеткен, деп жазады ҚазАқпарат ХАА.
БҚО ТЖ департаменті жедел құтқару жасағы басшысының орынбасары Нұрсұлтан Амангелдіұлының айтуынша, дәл сол 6 тамыз жігіттің туған күні екен. Соны достарымен атап өтуге өзен жағасына барған.
Бүгін үшінші күн сүңгуірлер жігіттің денесін іздестіруде. Мұндай жұмыс алғашқы үш күнде белсенді жүргізіледі. Іздестіру он күнге дейін жалғасады.
Елжан Ералы
Фото: inform.kz