Павлодарлық полиция қызметкерлері бес күннің ішінде ҚР-ның аумағында мекендеу ережесін бұзған 909 адамды ұстады, деп хабарлайды pavlodarnews.kz.
Облыстық ІІД-нің баспасөз қызметі мәлім еткендей «Заңсыз келуші-2016» атты жедел-профилактикалық шара кезінде Павлодар облысында ҚР-ның аумағында мекендеу ережесін бұзған 909 шетелдік әкімшілік жауапкершілікке тартылды.
Олардың 588-нің Қазақстанда тұру мерзімі қысқартылса, 47-не қатысты сот үкімінің шешімімен мемлекеттен шығару жазасы қолданылды.
Бұдан басқа, шетелден келген азаматтарды заңсыз жұмысқа қабылдаған 12 факт белгілі болды. Сонымен қатар, ҚР-ның шекарасын заңсыз бұзған 61-жастағы ер адам ұсталды.
Фото: pavlodarnews.kz