Ресейдің Владимир облысында аусыл ауруының шығуына байланысты Қазақстан бұл елден ет өнімдерін әкелуге уақытша тыйым салды. Бұл туралы арнайы баспасөз мәслихатында ҚР Ауыл шаруашылығы вице-министрі Гүлмира Исаева мәлімдеді, деп хабарлайды Baq.kz.
«Біз бүгін Ресей аумағынан ет және ет өнімдерін әкелуге уақытша шектеу қойдық. Себебі, жақында Владимир облысында аусыл ауруының ошағы, штамм Азия-1 тіркелді. Бұл туралы Ресей Халықаралық эпизоотикалық бюросы мәлімдеді. Сол себепті Қазақстан тарапы осындай шешім қабылдады», - деді вице-министр.
Фото: baq.kz