Қолдары мен көздері күйіп қалған балалардың бірі облыстық көп бейінді балалар ауруханасында жатыр деп жазады, sputniknews.kz, "Мой город" порталы жазған ақпаратқа сілтеме жасап.
Батыс Қазақстан облысы денсаулық сақтау басқармасының баспасөз қызметінің берген мәліметі бойынша, 11 жасар баланың қос білегі мен көзінің мүйізгек қабығын күйік шалған.
"2006 жылы туылған екінші бір бала аздаған күйік жарақатын алып, ауруханаға жеткізілді. Медициналық көмек көрсетілген соң, үйіне қайтарылды", — деп хабарлады БҚО денсаулық сақтау басқармасының баспасөз қызметі.
Сондай-ақ, мереке күндері ауруханаға 67 жастағы ер адам түсті, ол өрт салдарынан күйік алған екен. Гирлянданың қысқа тұйықталуынан үйдегі шырша тұтанып кетсе керек.
Фото: Newsler