Атырау облысында Жылыой ауданында кен орнында қызмет ететін вахташылар тұратын Теңіз вахталық кентінде бір күнде екі жазатайым оқиға орын алды, деп хабарлады «ҚазАқпарат» ХАА.
«Дүйсенбіде кешкі сағат 20-00-дер шамасында «Атырау-Жарық» АҚ кезекші электригі - 40 жастағы ер адамды тоқ ұрды. Оның қолын термикалық күйік шалды.
Зардап шегуші жедел түрде Құлсары қаласының ауруханасына жатқызылды. Бір жарым сағаттан кейін «Қондырғы-700» нысанында жұмыс кезінде белгісіз себептермен анализатордың шатыры құлап, «ТШО» ЖШС 26 жастағы электригінің басына құлады.
Ер адам алған жарақатынан оқиға орнында көз жұмды, деп хабарлады Атырау облысы ТЖД баспасөз қызметінен.
Фото: inform.kz