Заңға қайшы келетін экстремистік діни материалдарды насихаттаған 7 сайтқа шектеу қойылды. Сөйтіп, қауіпті саналатын ғаламтор желілері Қазақстан аумағына таралуына тосқауыл жасалды, деп жазады ATPress.kz.
Экстремизмге үгіттеген сайттарды Атырау қалалық прокуратурасы ғаламторға мониторинг жасау кезінде анықтаған. Құзырлы орган өкілдерінің айтуынша, сот тәртібімен тыйым салынған діни әдебиеттердің электронды нұсқаларын түбегейлі жойып жіберу мүмкін емес. Себебі, оны бір желіден бұғаттаса, екінші жерде ашықтан ашық насихатталып жүр.
Жалпы, жыл басынан бері Атырау қалалық прокуратурасы экстремизмдік, терроризмдік сипаты бар 97 сайтқа шектеу жариялаған. Ал, елімізде тыйым салған материалдардың реестрінде 692 аудио-бейне өнім бар.
Фото: atpress.kz