Бүгін таңертең Павлодарда Алюминий зауытына барар жолдағы бұрылыста араларды ұясымен тасымалдаған КамАЗ аударылып қалды, деп хабарлайды pavlodarnews.kz.
Облыстық ІІД баспасөз қызметі хабарлағандай, оқиға орнында полиция қызметкерлері жұмыс жасауда.
- Бүгін таңертең КамАЗдың тіркемесі ажыратылып, аударылғанда «Мерседес» көлігін жанап өткен. Салдарынан неміс көлігін тізгіндеген азаматты ара шаққан, сонымен қатар бірнеше жүргізуші аралардың шабуылына тап болған. Толық әрі нақты ақпарат арнайы топтың жұмысы аяқталған соң белгілі болады, - деді ІІБ баспасөз қызметінде.
Айта кетейік, Instagram желісінің павлодарлық қауымдастықтарында жарияланған видео бір сағаттың ішінде 15 мыңнан астам қаралым жинаған.
Абзал Қабдраш
Видео Instagram желісіндегі «Колеса Павлодара» қауымдастығынан алынды
