Ақмола облысында үйсіз әйелдің өлі денесі табылды, алдын-ала мәліметтер бойынша ол үсіп өлген, деп хабарлады Sputnik Казакстан.
Мекеме мәліметтері бойынша Бурабай АІІД 13 қыркүйек күні таңғы сағат 10.00 Шортанды тұрғыны қоңырау шалды. Ол қираған бес қабатты тұрғын үйден әйелдің денесін тауып алған. Оқиға орнына келген полицейлер тұрғылықты мекен жайы жоқ 47 жасар әйелдің қайтыс болғанын анықтады.
Алдын ала болжам бойынша әйелді үсік шалған. Мәйіт сараптама жасау мақсатында мәйітханаға жөнелтілді.
ТЖД мәліметтері бойынша Ақмола облысында 12 – 13 қыркүйекке қараған түні – 3 градусқа дейін үсік болжанған еді.
Фото: sputniknews.kz