Елімізде соңғы уақытта ең өзекті тақырыптың бірі – қазақ тілінің латын әліпбиіне көшу үдерісі болып отыр. Бұл сөз жоқ, мемлекет тағдырына ықпал ететін маңызды бастама. Сондықтан қалың көпшілік тарапынан терең қызығушылық та туындап отыр.
Мәселеге қоғамның барлық институттарының өкілдері белсене араласып отыр. Көпшілігінің пікірі қазақ тілінің латын қарпіне ауысуы жөн дегенге саяды. Әрине, ой дұрыс. Бірақ қаңдай таңбалар белгіленген әліпби жобасы қолдауға ие болады?
Бұл бәрімізді алаңдатқан сауал. Елбасымызға алғаш ұсынылған жоба біраз адамның сынына ұшырады. Бұл жобада бір дыбысты беру үшін бірнеше әріп қажет болды. Бұл әрине үйренуге қиындау. Сондықтан әр әріп бір дыбысты беретін жоба көпшіліктің ойындағы тоқтам сияқты. 8 қазанда ұсынылған жоба осы талапқа сай келеді. Сондықтан осы жобаға тоқталған жөн деп білемін.
Баян Ахметжанова «Ардагер» қоғамдық бірлестігінің төрайымы
Фото: www.colorado.edu