Оқиға Қостанай облысы Қамысты ауданында 22 қазан күні болған. Бұл жағдайды Қостанай облыстық прокуратурасында растап отыр, деп хабарлайды Baq.kz.
22 қазан күні сағат 12:00-де Арқа ауылында қаңырап қалған үйден белгісіз әйелдің денесі табылғаны жөнінде хабарлама келіп түседі.
«Әйел механикалық асфиксия, мойынды қысу, ми мен өкпенің ісінуінен көз жұмған. Қылмысқа қатысы бар деген күдікпен 23 қазан күні сол ауылдың 33 жастағы тұрғыны ұсталды», - дейді облыстық прокуратура басқармасының басшысы Қайрат Жүсіпов.
Ер адам тұтқындалған. Тергеу барысы облыстық прокуратура назарында.
Фото: www.segodnya.ua