Аялдамада бағдар схемасы көрсетілген плакатқа балағат сөз жазып кеткен ер адамға үш жарым жылға бас бостандығынан айыру және маскүнемдіктен емделу үкімі шығарылды, - деп хабарлайды Zakon.kz Астана сотының баспасөз қызметіне сілтеме жасап.
"Қазақтарды итше қыру керек" деген сөздерді ер адам Астанадағы Жеңіс даңғылы бойындағы аялдамада бағдарлар схемасы көрсетілген баннерге жазып кеткен.
Айыптауға сәйкес, Гайсин ҚР ҚК 174-бабы 1-бөлігінде қарастырылған ұлтаралық алауыздықты тудыруға бағытталған қасақана әрекет жасады. Сотталушы кінәсін толықтай мойындаған.
Сот Гайсинді үш жарым жылға бостандығынан айырып, маскүнемдіктен емделуді тағайындады.
Үкім заңды күшіне әлі енген жоқ.
Фото: sputniknews.kz