#Все о теннисе
ҚР ҰЭМ ҰБ-тің базалық мөлшерлемені төмендетуін жоққа шығармайды
Zakon.kz
Ұлттық банк несиелер бойынша базалық мөлшерлемені төмендеткізуі мүмкін. Бұл туралы бүгін ҚР Үкіметі отырысы барысында ҚР ұлттық экономика министрі Ерболат Досаев мәлімдеді, деп хабарлайды Primeminister.kz
«Наурызда, жаңа Техникалық комитет жиналғанда, базалық мөлшерлеме одан әрі төмендейді деп үміттенеміз», - деді Е.Досаев.Сонымен бірге, министр Ұлттық банктің белгілеген адекватті базалық мөлшерлемесі ретінде 17%-ды атады.
«Ұлттық банктің шешімдері нарықты банкаралық несиелерге мөлшерлеме 30%-ға төмендеуі тұрғысынан нарықты тұрақтандырады деп ойлаймын. Базалық мөлшерлеменің адекватті деңгейі нарықтың жағдайын көрсетеді. Тепе-теңдік орнатып, банктер мен кәсіпорындардың өзі әрі қарай қандай саясат жүргізілетінін білуі тиіс», - деп түсіндірді ол.
Алдында мәлім болғандай, ҚР Ұлттық банкі 2016 жылдың 30 қаңтарындағы ақша-несие саясаты жөніндегі Техникалық комитеттің шешімімен 2016 жылдың 2 ақпанынан бастап 17% деңгейде базалық мөлшерлемені бекітіп, +/- 2 симметриялық пайыздық дәлізбен тұрақты қолжетімділіктегі операцияларды жаңартқан болатын.
Фотосурет: i-news.kz
