Семейде студенттер қос бүлдіршінді өрттен құтқарды

Олар 3 және 5 жастағы қос бүлдіршінді аман-есен алып шықты.

Қалалық төтенше жағдайлар басқармасынан хабарлағандай, электротехникалық колледж маңындағы тұрғын үй пәтерлерінің бірінде өрт болған. Төтенше оқиғаны алғаш байқаған осы оқу орнының студенттері мен аула сыпырушы бірден көмекке ұмтылыпты, деп хабарлайды 24.kz телеарнасы.

Олар 3 және 5 жастағы қос бүлдіршінді аман-есен алып шықты. Пәтерде сол мезетте олардың ересектердің қарауынсыз болғаны анықталды. Студенттер сәбилерді жедел жәрдем дәрігерлеріне табыстаған. Алдын ала мәліметтер бойынша пәтердегі өрт аумағы 2 шаршы метрді құраған. Себептері анықталуда.

Болат Көкенайұлы

Фото:jtimes.ru