Қазақстан әлемдегі ауқатты елдер тізімінде Ресейден жоғары тұр

Қазақстан Венгрия мемлекетінен кейін 50-орында тұр.

Қазақстан әлемдегі ауқатты елдер тізімінде Ресейден жоғары тұр. Мұндай рейтингті Америкалық Global Finance Magazine басылымы жариялады. Тізім Дүниежүзілік банк пен Халықаралық валюта қорының негізінде жасалып, оған 185 мемлекет кірді, деп жазады "Алматы" телеарнасы.

Оны жасау барысында халықтың сатып алу қабілетінің тепе-теңдігі, өмір сүрудің салыстырмалы құны мен елдегі инфляцияның деңгейі ескерілген. Бай мемлекеттердің көшін Катар бастады. Екінші орында - Люксембург жайғасса, үздік үштікті Сингапур түйіндеді. Ал, Қазақстан Венгрия мемлекетінен кейін 50-орында тұр. Ресей мен Латвия тиісінше 51 және 52-орынға табан тіреді.

Фото: e-history.kz