Батыс Қазақстан облысының жұрты жол азабын тартып-ақ келеді

Өңір тұрғындары жыл сайын еститін уәдеміз де, жолымыз да осындай деп, Астанадан көмек сұрап отыр.

Батыс Қазақстан облысының жұрты мұнай мен газдың үстінде отырса да, жол азабын тартып-ақ келеді. Тасқала ауданында ми батпаққа айналған жолда батқан мектеп көлігін итеріп, әбден әуреге түскен оқушыларды "Фейсбук" қолданушылары Репиннің әйгілі "Еділдегі кірешілер" атты туындысына теңеп жатыр, деп жазады 31 телеарна.

Дәл осы бейнежазбаны өз парақшасында бөліскен аудан әкімі Санжар Әлиев жол мәселесі облыстағы бірнеше өңірдің ортақ мәселесі екенін айтыпты. Республикалық бюджеттен қаражат күтпей, ауылдардың жолын жөндеуді бастаймыз деп жазған шенеунік жерлестерінен түсіністік танытуды сұрап отыр. Ал өңір тұрғындары жыл сайын еститін уәдеміз де, жолымыз да осындай деп, Астанадан көмек сұрап отыр.

Фото: Otyrar.kz