Астанада қалта ұрыларының тобы ұсталды
Zakon.kz
Ұсталған күдіктілер Астана қаласы Уақытша оқшаулау орталығына қамалды.
Астана қаласы ІІД Криминалдық полиция басқармасының қызметкерлері жедел алдын алу шараларын жүргізу кезінде қоғамдық көліктерде ұрлықпен айналысқан қалта ұрыларының тобын құрықтады, деп хабарлайды ҚазАқпарат, ІІД баспасөз қызметі берген ақпаратқа сілтеме жасап.
Автобус салонында күдіктілердің бірі 63 жастағы әйел адамның сөмкесінен ішінде ақшасы бар әмиянын алып шығып, қасында тұрған сыбайласына берген.
Қаскүнемдерді полицейлер қылмыс үстінде ұстады. Дәлел заттар тәркіленіп, зардап шегушіге қайтарылды. Аталмыш факт ҚР ҚК «ұрлық» бабы бойынша сотқа дейінгі тергеулердің бірыңғай тіркеуіне алынды.
Ұсталған күдіктілер Астана қаласы Уақытша оқшаулау орталығына қамалды. Күдіктілердің осыған ұқсас басқа да қылмыстарға қатысының бар-жоғы анықталуда.
Қала тұрғындары мен қонақтарын жеке мүлікті сақтауда мұқият болуды сұраймыз.
Фото: inform.kz
Поделиться
Если вы видите данное сообщение, значит возникли проблемы с работой системы комментариев. Возможно у вас отключен JavaScript