Астананың жоғары сынып оқушыларына жұмысшы мамандықтары жайында айтылады

Zakon.kz

Мамандар жұмыстың қыр-сырларымен және өздерінің өмірлік тәжірибесімен бөліседі, сонымен қатар оқушылардың сұрақтарына жауап береді.

10 қазанда «Астана Жастары» жастар ресурстық орталығы мен Астана қаласының Білім басқармасымен біріге отырып, жастар арасындағы жұмысшы мамандықтардың жариялылығын арттыру және ақпаратты-түсініктемелік жұмыс жүргізу үшін іс-шаралар кешенін ұйымдастырады.

Іс-шаралар жалпы білім беретін мекемелердің жоғарғы сынып оқушыларына арналып жүргізіледі. Дәріс берушілер ретінде Астана қаласының Білім басқармасы және Астана қаласы әкімдігінің жұмыспен қамту орталығы, ЖШС «BI Group», ЖШС «Еврокоптер Казахстан Инжиниринг», АҚ «Астана-РЭК», ЖШС «Қамқор Локомотив», ЖШС «Тұлпар-Тальго» қызметкерлері қатысады.

Олар жұмыстың қыр-сырларымен және өздерінің өмірлік тәжірибесімен бөліседі, сонымен қатар оқушылардың сұрақтарына жауап береді. Бұндай кездесулер жастар арасындағы жұмыссыздықты жою мақсатында,жұмысшы мамандықтарды насихаттау, жоғарғы оқу орын түлектері болашақ кәсібін жоспарлаудағы біліктілігін арттыру, қажетті мамандықтар және жұмыс орындар мәселелері жөнінде кеңестер және ақпараттандыру мақсатында ұйымдастырылып отыр.

Қатысушыларға «Дұрыс таңдау жаса» видеоролигі көрсетіліп, сондай-ақ қажетті мамандық тақырыбында дәрістер өткізіледі.

5-ші және 6-шы қазанда жастарды жұмысшы мамандықтарға шақыру мақсатында мектеп оқушыларына «Нұрлы жол» бағдарламасының өндірістік мекемелерін аралау мүмкіндігі беріледі. Осылайша, техникалық және құрылыс мамандықтары бойынша оқитын студенттер санын арттыру, оқушыларды еңбек нарығындағы қажетті мамандықтарға тарту жоспарланып жатыр.

Іс-шара өтетін күн: 10 қазан 2016 ж.

Өтетін уақыты: сағ. 10:00-де, 14.00-де, 16:00-де

Өтетін орны: «ҚазМедиа орталығы», киноконцерттік залы.